شامی یرموک کیمپ، دو ہفتوں بعد اشیائے خورد و نوش تقسیم

(ایجنسیز)




شام کے زیر محاصرہ یرموک کیمپ میں موجود فلسطینی پناہ گزینوں تک انسانی بنیادوں پر رسائی کی اجازت مل گئی ہے۔ اقوام متحدہ کے مطابق ان پناہ گزینوں تک رسائی دو ہفتوں کے وقفے کے بعد ممکن ہوئی ہے۔

اقوام متحدہ کے پناہ گزینوں کی بہبود کیلیے ادارے یو این آر ڈبلیو اے کے ترجمان کرس گنیس کے مطابق یرموک کیمپ میں منگل کے روز سے فلسطینی پناہ گزینوں کیلیے خوراک کی تقسیم شروع ہو گئی ہے۔

اب تک خوراک کے 465 تھیلوں اور ڈبل روٹی، جیم کے علاوہ چھوٹے بچوں کیلیے پولیو سے بچاو کی 2000 خوراکیں فراہ کیے گئے ہیں۔ واضح رہے فلسطینی پناہ گزین یرموک میں جولائی 2013 سے زیر محاصرہ ہیں۔ ماضی میں یہ کیمپ ایک لاکھ ستر ہزار پناہ گزینوں



کا مرکز تھا اور اب اس میں 18000 پناہ گزین موجود ہیں۔

جبکہ ہزاروں شامی شہری ان کے علاوہ ہیں۔ اس کیمپ میں ہزاروں افلاس اور بھوک زدہ افراد قطاروں میں لگ کر کھڑے رہنے پر مجبور ہیں۔ اقوام متحدہ کے متعلقہ ذمہ دار کا کہنا ہے کہ'' اب تک فراہم کی گئی اشیائے خورد و نوش اس کیمپ کلیلے کافی نہیں ہیں۔'' انہوں نے مزید کہا ہمیں متاثرین تک رسائی جاری رکھنے کی ضرورت ہے۔

اس سلسلے میں اقوام متحدہ کی سلامتی کونسل متفقہ طور پر درخواست کر چکی ہے کہ تمام متعلقہ فریق یرموک میں انسانی بنیادوں پر امدادی سامان پہنچانے کیلیے سازگار ماحول کا اہتمام رکھیں۔ اس کیمپ میں تقریبا دو سو افراد دوران محاصرہ ہلاک ہو چکے ہیں۔جن میں سے 128 بھوک کی وجہ سے ہلاک ہوئے تھے۔